前兩日先講完，費達拿今次應該又係生孖胎，唔通佢旺到次次都好事成雙？話說費天王喺周四晚嘅印第安韋爾斯賽男單8強贏波，再加上佢同老友華域加一早入咗男雙4強，有機會連冠軍都起孖。女單方面，李娜繼續強勢，喺8強再贏澳網決賽嘅手下敗將施寶高娃6:3、4:6、6:3。心情靚靚嘅娜姐賽後向記者晒幸福，話雖然老公姜山對自己贏波毫無幫助，但一路默默咁支持佢。