返咗內地做強國人嘅溫兆倫，成日好高調喺微博宣揚佢嘅愛黨愛國精神，仲試過將啲網友「反愛國」言論，連人帶IP向內地相關部門舉報，結果當然惹來網民同各界人士狂轟。
被笑「入黨嗎」
正所謂物極必反，愛國愛到入心入肺嘅溫兆倫，終於反過龍。話說噚日溫兆倫又喺微博貼圖，見到佢着住一套黑西裝，個樣好嚴肅企喺五星旗前合照，兼且貼咗五個紅色心心，本來佢有呢個舉動，一啲都唔出奇，但奇在佢今次反到出面，竟然反轉咗國旗，結果梗係觸動網民神經，有人留言問：「溫sir，內甚麼…反了。」「入黨嗎？」「神經！」「贊！不過是反了。」
溫兆倫梗係好快手咁鏟咗個留言，隔咗冇耐再更新微博、重新貼圖，擺明河蟹，當乜事都冇發生，呢啲咪就係「撥亂反正」囉！
場主：守庫
