拜恩宣佈今季玩完，其實湖人另一猛將尼殊一早宣佈咗收「咧」。好多人都話40歲嘅尼殊不如退休啦，但佢就話自己為咗錢，所以唔可以收山住。睇番尼殊同湖人剩番嘅1年合約，大嗱嗱970萬美金（約7,500萬港元），幾大都袋埋先走啦，之不過尼殊畫公仔畫埋出腸，就可能誠實過頭。哀兵湖人周四對住雷霆，唔能夠重演絕地反擊，被炒102:131，認真慘情。