吳雨霏（Kary）、馬詩慧及女兒王曼喜等昨現身金鐘，擔任時裝袋店重開揭幕嘉賓。剛剛治好風赧的Kary首次復出公開活動，對於有指舊愛余文樂秘戀擁32C的中國、瑞典混血兒王惠敏（Ase），更預支蜜月到洛杉磯玩，Kary輕鬆笑說：「真係唔知，講真身材好過我嘅有好多人，（分手）件事都已經大半年，各有各生活。」
Kary指若是事實定送上祝福，問她有否關注樂仔Instagram？她說：「有睇，但冇細心研究，大家分開咗各自有另一半係好正常，我暫時未拍拖，都會想，一切順其自然。」
另邊廂，被指追波友細妹激嬲余文樂，新廣告被飛起的周柏豪，前晚到尖沙嘴出席Audi新車發佈會，他否認曾追波友的妹妹：「同阿樂完全冇問題，唔係事實，唔多作回應。個廣告係因為我9月有演唱會，搵緊贊助商，驚到時有衝突。」
採訪、攝影：馬建華
