關楚耀跟半百女神羅霖的纏綿床戲，他視為一種禮遇，是一個享受，試過被迫鯨吞《重口味》裸體肥妹，再嚐半百白滑闊太，絕對是有理由拍完腦充血。回憶當日的纏綿戲，Kelvin意猶未盡：「呢種味道我好深感受，我對女性氣味幾敏感，羅霖嗰種氣味係令人回味。」
回味激吻羅霖
說Kelvin是拍情慾戲的老手，亦不為過，跟羅霖埋位床戰，Kelvin先跟對手分享經驗，他說：「第一日拍親熱戲已經好多肢體接觸，成件事唔係淫，我覺得係唯美，最激係同羅霖床上激吻，好激烈咁做愛，大家專登飲啲酒等情緒投入，呢場戲拍咗差唔多三個鐘，全程床上活動，真係心跳加速腦充血。」戲入面搞母子戀，現實生活Kelvin表示可以接受：「呢個世代冇人介意，最重要投契啱feel相處到，自己都30歲，拍拖要相處、認識夾到先得。」
最緊要演得放
有味電影一套接一套，Kelvin卻不怕定型，最怕是冇戲拍，他說：「可能好多歌手、藝人要顧及形象，但我冇乜嘢特別形象可言，最緊要放同enjoy自己，觀眾先睇得enjoy。之後隨時有更大膽演出，我敢話裸後絕冇問題，露前就要視乎需要，不過可能冇人睇。」
撰文：卓寶花