【金牌搖籃】
前香港單車隊代表成員梁志賢指，到瑞士騎單車，必到位於瑞、法邊境Aigle國際單車聯盟（UCI）朝聖，「我同阿寶（黃金寶）代表港隊去瑞士比賽，都有喺呢度練習，李慧詩都係，聯會仲將佢贏比賽嘅相，放喺訓練場內」。
梁志賢表示，慈善單車團會到瑞、法交接日內瓦湖環騎一周，其間會騎車到UCI，「呢度係培育世界頂級單車運動員嘅搖籃，好似蔡其皓都獲UCI羅致培訓」。他說，舉辦環法、環瑞等國際單車大賽都要UCI批准，「團友嚟到呢度可以試吓運動員餐，參觀環法單車賽嘅歷史」。另一必到地點則是洛桑奧林匹克博物館，內裏放滿歷屆火炬、金牌及吉祥物等，及播放比賽片段，「嚟到呢度一次睇晒咁多屆奧運會」。
《蘋果》記者