新一季F1周五喺澳洲墨爾本展開，而正式比賽就會喺下周日舉行。雖然今屆全部人嘅焦點，都落喺維特爾可唔可以戰勝新例而5連霸，但車迷亦不妨喺下周日，留意威廉士車隊嘅馬沙（圖），因為佢比賽當日嘅頭盔會印有「MS」字樣，為早前因滑雪意外而仍然昏迷嘅7屆世界冠軍兼前法拉利隊友「車神」舒密加（Michael Schumacher）打氣。