為何香港長期缺乏優秀女演員？貴為兩屆香港電影金像獎影后的袁詠儀（靚靚），在《亂噏24》中提到時下年輕女演員欠專業，她感到無助，索性北上拍劇。靚靚最想跟周潤發合作，可想過跟他拍床戲，靚靚就指要過到發嫂關很難。節目足本版逢周四晚上11時播出，讀者可在 http://bit.ly/appletalk24重溫。
撰文：馮國康、Sidekick
奧斯卡頒獎禮月初舉行完，張叔平雖未能憑《一代宗師》奪最佳服裝設計獎，但能夠入圍奧斯卡，已是港人驕傲。那港星能否跟西方影星爭一日之長短？蔡瀾認為港星才華絕不比西方遜色，但是他們仍然停留在演戲階段，未能完全投入角色，況且又有生活負擔。要完全投入角色的確有難度，袁詠儀曾拍過一齣苦情戲，要在三個月內不停狂哭，人生也變得灰暗。她曾要求導演能否不哭，導演卻跟她說：「你一定要哭，你哭了，整個中國的十幾億人，就陪你一起哭！」拍完靚靚跟自己說一定不能再拍苦情戲：「我要拍笑嘅，無厘頭又好，好廢嘅又好，點都要開心。」
北上拍劇開眼界
上回《亂噏24》提到，只要有好劇本出現，必定能令靚靚事業再闖高𥧌，黎智英（肥佬黎）問她最想與哪位男星合作？靚靚說：「周潤發啦！啲人成日講到佢（神一般），同梁朝偉、哥哥（張國榮）拍戲好開心，佢哋啲眼好似講緊對白咁。好想睇吓發哥係咪都係咁。」肥佬黎乘機問靚靚當年和哥哥拍床戲時可感到興奮？靚靚答：「我拍嘅時候完全冇覺得佢係（gay），例如拍kiss、身體接觸，佢係比好多男性都勝任。」那可有想像過跟發哥拍床戲？靚靚說：「我覺得發嫂唔會畀！我都唔寄望同佢做情侶，做兄妹我都制！」
經常看電影的靚靚以前會學習其他演員的表演方式，現在嘗試跟着主角方向走，她說：「以前就係好表面，𠵱家會留意佢講呢句對白嘅意思係乜嘢。」肥佬黎稱看電影不多，但試過被演員的演繹方式深深感動，他說：「佢講自己俾人強姦，嗰種感覺好似自己真係俾人強姦咁！呢個真係magic，呢啲先真係演戲。」
蔡瀾最近看了一齣韓國電影《天眼跟蹤》，十分欣賞女主角韓孝珠，他說：「佢係好靚嘅演員，但戲入面佢唔化妝。有個鏡頭睇到佢手指生咗倒刺！」他認為好演員和明星的分別，在於明星會顧及形象，會將倒刺拔掉；好演員卻會刻意讓觀眾看到他們平凡一面，令其更貼近角色。靚靚稱有很多低手導演倒過來叫你拔掉倒刺，她憤憤不平的說：「如果你喺現場同佢拗，會企喺度拗成個鐘！我好怕呢啲。」靚靚年輕時也遇過不少這類導演，消磨了她的演戲信心：「一個好劇本落入一個唔好嘅導演度就好慘，磨到個人意志消沉，真係有段時間唔想拍戲。」
除了不濟導演，靚靚亦有感片場氣氛跟昔日差別太大，她回想當年做新人的時候，經常被曾志偉、梁朝偉和張學友等戲弄，她說：「佢哋唔係話玩你，係要求你去進步，其實嗰種氣氛好開心。」但靚靚見到時下新人嗲聲嗲氣，遲到早退又埋怨多多，完全不當拍戲是一回事，令她感到很洩氣：「我個樣稍為有啲不滿，啲人又話我恰新人。我只係要求準時開工準時收工箒，又話你霸道。」於是靚靚發現自己不太適合在港拍戲，毅然跑到內地拍劇。肥佬黎問到內地是否比較專業？靚靚笑說：「唔係，其實佢哋都係𠵱𠵱哦哦，但人哋好開心，同埋佢哋知道導演先至係最大，只有導演嗌收工。」自從靚靚將事業基地遷往內地，亦開始不再介懷香港的情況，她說：「有陣時真係要行出去睇吓人哋嘅世界，你覺得自己好紅好叻咩？內地有好多更加比你紅、更加比你叻。」
欠圓滑易得罪人
近年有不少女演員升呢做導演，陳淑莊（Tanya）問靚靚可有想過？靚靚耍手擰頭說：「唔得㗎我，因為我好驚人蠢。」她口中的「蠢」並非天生愚蠢，而是不肯用心做事。蔡瀾十分認同：「蠢係冇辦法，但係你懶、唔準時嗰啲就根本唔係人嚟。」靚靚認為自己處事始終有欠圓滑，有時對一些事情看不過眼便會直斥其非，因而經常開罪別人。她記得鄭裕玲曾教訓一位新人要守時，最令她印象深刻，靚靚扮她的語氣說：「你張合約借嚟睇吓吖，我想睇吓你張合約點解可以遲到囉！」
肥佬黎認為要在娛圈生存，或多或少要準備幾張面孔去應付不同的人，靚靚只道出她有試過學習圓滑，但最終也學不到：「我呢一刻可以做到，但轉頭就唔連戲。」因此她每遇到看不過眼的事情，會選擇自動消失，一於「冇眼屎乾淨盲」，她說：「無謂再陷自己於不義啦！」
服裝:ANTEPRIMA
神級演技 全中國幾十億人陪你喊
http://bit.ly/talk243501
想同發哥拍床上戲 發嫂會唔會俾？
http://bit.ly/talk243502
港星講排場 大陸明星仲大陣仗！
http://bit.ly/talk243503
演員要專業 倒刺都唔剪得！
http://bit.ly/talk243504
DNA進化港孩 蠱惑招數非凡
http://bit.ly/talk243505
寸人遲到冇面俾 Do姐一句K.O.你
http://bit.ly/talk243506
兩公婆吵大鑊 傾掂數先瞓得安樂！
http://bit.ly/talk243507
靚靚其實係虎媽 阿仔唔乖就要打
http://bit.ly/talk243508
酒精累人 夫妻引爆七級半地震
http://bit.ly/talk243509
靚靚大戰Chilam 鬧交邊個會贏？
http://bit.ly/talk243510