喺立法會秘書處打咗17年工嘅前公共資訊部主管黃永泰（Simon）消失咗一輪，原來已經搵到好路數。
八方前排喺一個活動度撞到Simon，佢好熱情打招呼，主動遞上新卡片，原來佢一個月前就過咗去市建局做社區發展總監，幫手睇市建局所有嘅重建項目，主要係同當局區議員打交道。
Simon不諱言，人工方面確實加咗少少嘅，但同喺立法會嗰時唔差得好遠，佢之所以走，主要覺得議會太多紛爭囉，至於有指佢同立法會秘書長陳維安唔咬弦嘅講法，佢話梗係錯啦。人望高處，八方明嘅，但市建局同唔少市民為敵，喺市建局做都可能會遇到唔少紛爭喎。