謝霆鋒最近的法國之行收穫甚豐，可惜無緣與舊愛王菲世紀一聚，昨終於返港。昨晨8時半，霆鋒一副chok樣單手插袋，闊步挺胸步出機場，隨行還有經理人霍汶希（Mani）及助手。每次現身機場都戴耳筒避開傳媒追訪的他，今次冇戴耳筒，笑面迎人兼有問必答。
霆鋒日前在法國拍攝《十二道風味》，其中一個嘉賓是王菲的好姊妹趙薇，可有順道為趙薇慶祝38歲生日？霆鋒想一想說：「都唔算嘅！」有冇見王菲？霆鋒擰擰頭，以口形答「冇」。此行是否非（菲）常開心？霆鋒聽得出語帶相關後大笑一輪說：「晨早講埋啲衰嘢，唔答呢啲！」有傳是怕觸動前妻張栢芝神經才不見王菲？霆鋒否認：「唔係，我唔想答，唔關人事。」藉機再約王菲？霆鋒說：「你都儍嘅，以為換個字眼我就會講。」
而謝婷婷前晚於銅鑼灣出席McQ新店開幕，提到霆鋒忙於拍廚藝節目，會否乘機偷師？婷婷說：「佢好足料，但我煮得唔好食。」此外，婷婷昨晚在金鐘出席發佈會時透露，爸爸謝賢見過她的新男友戴尚安，獲讚靚仔又好人。
陳冠希拒做小角色
至於栢芝最近在上海非常活躍，日前被拍到離開機場後，即前往「蟹王」擦蟹。同樣身在上海的陳冠希則宣傳網絡劇《探靈檔案》，該劇是淫照事件後，他正式擔正男主角：「很多人覺得我前幾年已經死了，我還活着！」他堅稱這幾年仍有人找他拍戲：「荷李活都有叫我去做誰的弟弟，韓國片恐怖片，泰國拍打拳，我也不要，都是一些小角色，沒興趣。」另曾有美國出版公司找他出書，記錄30歲前的他，但他都拒絕。他又讚女友洪文安是其幸運星，但未傾過結婚。
採訪：張俊銘、林嘉慈、羅慧敏
攝影：黃文偉
