市況相當險峻，文化中國（1060）繼續插水，據悉除散戶外，唔少莊家大戶亦已中伏，眼見有排返唔到家鄉，唯有怒掟其他二三線股填數，形成惡性循環，加上側聞騰訊（700）加入狂質文化中國，真係大檸樂！全面改打防守，魏力已將現金提升至六成水平。
很高興不少戰友跟魏力推介買股，但要贏錢，最重要不是冧把，而是買入時機，1蚊冇買到海王英特龍（8329），衝到1.4蚊（70%升幅）先追入，坐艇應是閣下問題。目標價不是「包生仔」，更冇話三兩日會到，大行目標價都睇12個月，如能準確講到三日後隻股票升幾多，仲邊使每日工作12粒鐘？
中國龍新能源（395）大變身，與國際科網巨挈思科（Cisco）合作，進軍電子商務及大數據市場，山雞變鳳凰，指日可待！智能手機出現，令網上消費出現爆炸性增長，實體商舖要生存，建立線上及線下經營系統，大勢所趨。龍新附屬已開發了大數據產品「樂逛零售ShopperConnect」，廣泛收集商舖及消費者資料，並進行分析及管理，為客戶提供有用的經營資訊，服務本身已十分渴市，如今再結合思科的技術支援，股價爆到七彩，相當合理。
睇番幅圖，昨逆市怒升18%，買盤洶湧澎湃，壓都壓唔住，快突破52周高位0.405元，望上去絕對海闊天空，目標先睇0.55元。
魏力
http://www.facebook.com/2012jason