陳寶珠和梅雪詩主演的粵劇《再世紅梅記》，昨日在中環舉行慈善演出記招，除楊千嬅出席外，林建岳及王幼倫代表領賢基金到場，白雪仙則因感冒抱恙未能現身支持愛徒。
自薦想做粵劇
千嬅笑言要帶媽咪及奶奶捧場：「我𠵱家搵緊飛，知好難買，好多人撲緊飛，街已經買唔到。」她坦言對粵劇有興趣：「試過同古巨基、張敬軒做過，企喺度都要有風範，鍾意睇大戲啲衫同功架。」又透露囝囝Torres有音樂天份：「佢𠵱家聽緊Bruno Mars嘅歌，我唔喺度時就睇我啲MV頂住先，佢𠵱家識唱兒歌《Bingo》。」
寶珠姐談到與梅雪詩合作，師傅白雪仙有為她們操練，寶珠姐說：「師傅日日都嚟教導，唔會鬧，師傅係冇得比較，冇人可以代替師傅演出，自己會盡力投入角色，咀嚼每句曲詞，師傅提我哋要有感情。」
岳少開心嫁女
此外，林建岳的大女林恬兒今年出嫁，問林建岳的心情，他說：「唔會唔捨得，多咗個仔，媽咪緊張啲。」他表示女兒籌備婚禮已七七八八：「日子留番畀佢哋講，都差唔多。」至於地點，他未有正面回答：「唔喺香港，就喺外地啦，唔通九龍咩，佢哋自己決定。」
採訪：羅慧敏
攝影：仇志德
