一直想挑戰特首寶座嘅新民黨葉劉淑儀，把握呢幾年廣結人緣，為下屆特首選舉隨時入閘做準備，絕唔能夠好似人緣差到冇朋友嘅梁振英咁，四面受敵。葉劉最近就向唐營嘅中堅伸出橄欖枝，邀請智經研究中心副主席劉鳴煒，月底去佢揸旗嘅匯賢智庫開talk，題目係「本地智庫進行公共政策研究的經驗」。
其實，自從曾蔭權落台、唐營敗陣之後，曾經係特首御用智囊嘅智經研究中心，已經不成氣候，所以今次葉劉絕非睇得起智經，只係拉攏唐營罷了。特首選舉完咗兩年，劉鳴煒點都唔肯埋狼英堆，今次反而接受葉劉邀請開講座，就可見呢位唐營猛將有幾憎狼英啦。