CCTVB一向拍劇都是是但但，但係有市民近日喺電視城內，就發現到一啲好嘢喎。話說喺電視城裏面，無端端停泊咗一部舊的士，唔好以為可以伸手截佢就開車呀。呢部Toyota五座位的士，估計係七十年代嘅舊車，但就保養得好好，車牌係SE7136，出廠年份係1977年，但係2006年先喺香港首次登記，車牌登記係屬於TVB。
有人估計，好可能係CCTVB買咗部七十年代日本車返香港，之後再跟番當年的士嘅樣去改裝，唔知會唔會用嚟拍戲咁話。如果係嘅話，CCTVB今次都好認真喎，起碼唔係玩乜嘢植入式廣告啦，不過如果真係拍戲，希望呢部車千祈唔好喺古裝片出現呀！