「仇人見面,份外眼紅」呢句說話用嚟形容周二雷霆對火箭呢場西岸大戰就最合適不過。今場雙方球員都好有火,其中比華利(右)同韋斯卜克(右二)再續前緣,開波5分鐘就差啲開拖。季季後賽就係比華利令「潮韋」受傷,搞到佢唞咗半季;今場佢疑似食過番尋味,三番四次出手挑釁對方。不過潮韋好好EQ,用場上表現去還擊,加上杜蘭特怒轟42分,兩兄弟聯手帶領雷霆以106:98贏火箭。