中聯辦主任張曉明係前基本法起草委員許崇德嘅愛徒，據知張曉明對許老離世都好傷心，中聯辦網站噚日仲貼咗一篇張曉明悼許老嘅文章出嚟㖭。
張曉明喺文章入面爆料，話自己當初要嚟香港履新時，許老大為緊張，私下向佢好多喺香港嘅老友託話甚至寫信，請啲朋友多多支持同幫佢呢位世姪。張曉明話呀，曾經有位長者向佢出示許老嘅「手書」，「言辭懇切，切如護犢」。
查實許老近年身體狀況都麻麻，張曉明話喎，許老近年多次住院，佢自己北上時都曾經去恩師屋企探望，其間不時討論香港時事，許老次次都詳細垂詢，直詳己見，或喜或憂，可見佢離世前對香港事務依舊好上心。