樂基兒（Gaile）自從2012年和黎明離婚，過去一年峇里、美國、香港三邊走。去年愛上珠寶設計，今個月推出自家品牌，樂基兒謂現時的快樂指數是85分，至於尚欠的15分，和愛情、婚姻都無關，「我不會不結婚，我鍾意小朋友，自然發生的就會發生。」
撰文：林妙萍
攝影：周樂恒
「100分滿分，𠵱家有85分，好開心，好enjoy！」
樂基兒上周帶了自己的珠寶品牌Smoky Roses珠寶，在影樓分享設計，「我一向鍾意設計，可以做啲我鍾意做嘅事，帶咗好多滿足感，剩番嗰15分，係我無時間滑水同陪屋企人。」
戥黎明高興
樂基兒興奮講到有日本衝浪雜誌找她做專訪，開心證明以後可以自稱surfer，她前年和黎明離婚後，搬到峇里過另一種生活，滑浪、創作、傳和滑水教練Cuz拍拖，其實那位峇里男真名叫Denim，做物業評估，至於進展如何？「拍拖的問題都係和上一年一樣，不會答了，感情的事如果可以keep番畀自己，我會想囉，有定冇？Maybe，從來冇答過。」未來有沒有結婚打算？「想focus在creative的工作上，好難講會同唔會，it may happen，不過真係順其自然。」
樂基兒與黎明的婚姻只維持了4年，最近黎明傳有貌似她的23歲新歡，Gaile聞言即說：「你有冇見？I am happy for him， 希望佢和女朋友都開心．我唔會唔結婚，但𠵱家唔係嗰個時間。」女人生兒育女有生理規限，33歲的樂基兒也渴望有仔女，「I like kids，但不會在未來幾年內，自然發生就會發生。」
愛當設計師
峇里屬於她的創作天地，去年設計泳衣，新baby是自家的珠寶首飾品牌Smoky Roses，「我想做關於宗教的，看了很多教堂，想做60年代的十字架、天使翼的motif，再繪畫出來。」
每一件首飾也在峇里人手製作，一手一腳搵廠、諗packing、事事都由頭再學，「是一個learning process」，16歲入行做模特兒，樂基兒現時更想躲在品牌後面，做大腦及設計師：「我愛modeling，但creativity對我來說好重要，我希望五年內，可以得到一個咁樣的achievement，就係人哋會話：『你識Gaile嗎?佢係一個好creative的人。』」
更多精采時尚內容，盡在 http://add.appledaily.com。