【拆局】
北京再安排立法會議員訪問內地，試圖為政改談判營造氣氛，但有泛民立會議員指，特首梁振英無法如曾蔭權般帶隊，對愛搞「內交」的梁而言是一次重大打擊，除反映中央對立會議員不信任梁「心知肚明」、不想梁帶隊「壞了大事」，亦反映帶隊的立會主席曾鈺成在「成功爭取議員北上」中贏了梁一仗。
有泛民議員表示，據他們了解，由曾鈺成帶隊是北京決定，「梁振英咁鍾意搞內交，佢梗想帶隊，但主席（曾鈺成）都一早講爭取全體立法會議員北訪，北京諗完一輪，都係比主席帶隊，但就由梁振英宣佈」。
曾小勝梁一仗
該議員指北京「心知肚明」泛民及部份建制派議員不信任梁，亦明白若由梁帶隊，「唔好講泛民，我估建制派都有三分一人唔去」，所以北京明知有關帶隊安排會有揣測，「但唔可以因為保梁壞了（政改）大事」。
今次的「贏家」曾鈺成早在特首選舉時，已對梁營抹黑他十分不滿，「曾主席一直認為，梁粉周圍唱佢有黑材料，梁振英一定知情」，今次成功擔任團長對曾來說是小勝梁一仗，「北京仲係睇曾鈺成，梁振英唔好以為北京一定撐佢」。
《蘋果》記者