楊穎（Angelababy）今日喺韓國首爾同《來自星星的你》嘅都敏俊教授金秀賢一齊出席新秀麗旅行箱記者會，佢同經理人噚日已經出發到咗韓國首爾，點知佢噚日喺江南區行街時俾粉絲認出，身邊除咗有韓國EXO嘅成員 Tao帶住佢行街外，同行仲有一位戴帽、墨鏡嘅男子一直陪住佢，睇真啲先認出係海綿蛋糕黃曉明。
放假陪女友
Baby同曉明又真係夠癡纏，早排Baby生日，曉明送林寶堅尼搞場大龍鳳，已經令到唔少女粉絲好羨慕Baby，𠵱家Baby去韓國做嘢，曉明又去埋陪佢，做跟得男友，網友都留言笑海綿蛋糕唔知係咪驚女友同都教授親近，親自嚟監督。馮仁昭噚日打電話畀黃曉明，問佢係咪陪埋女友去韓國，佢話：「是的，我放假有時間就陪她來玩幾天，怎麼來到韓國也有狗仔偷拍。」
撰文：馮仁昭