【本報訊】港視開台無期，港視藝人即使願意減薪、減騷、減合約期也於事無補，港視藝員部昨正式通知不與藝人續約，主管逐一與受影響藝人交代，有藝人說早有預感開台再有波折，艾威昨無奈地說：「藝員部主管今日打電話畀我，其實都有心理準備，佢哋話停止所有製作，我亦明白冇理由再揼錢落去。」
「之前有少少預感」
艾威與港視的合約雖已屆滿，但談妥拍港視劇《天網》，坦言現時要再度期拍攝。他說：「我原本3月尾開工，但我都要生活，佢哋話明如果我嗰段期間喺外面接到嘢都可以去拍，如果拍番《天網》套劇就會逐個騷計番錢。」
其餘還有一批於本月底約滿的港視藝人，昨日也陸續接獲不獲續約的電話通知，其中「西貢師奶仔」劉玉翠自言見慣風浪，不太愕然，她說：「佢哋好坦白同我講，話公司睇唔到前景，所以唔能夠簽我，覺得好遺憾，希望將來有機會再合作。其實之前有少少預感，因為傾約時覺得公司有保留，亦感覺公司有問題要處理，份約由2月頭已開始傾，拖到3月頭都未簽，𠵱家佢哋打嚟講聲都係一種尊重。」
據悉已談妥續約條件的藝人也會陸續收到通知，顯示港視短期內不會有新製作，「怪談女」林熹瞳昨傍晚亦接獲通知，她說：「之前傾好晒條件，係未落筆，𠵱家都冇辦法，期望拍完啲劇可以出街。」
資深演員陳安瑩表示，暫未獲港視通知不續約，「我相信佢哋內部都好亂，煮到埋嚟就食；最震驚係去年攞唔到牌，𠵱家只係行番回頭路」。英皇藝人湯怡和陳家樂約滿後亦不獲續約，英皇發言人表示：「同減薪冇關，因為約滿先唔續約。」
