印第安韋爾斯網賽喺星期一大吹冷風，世界排名第1嘅西班牙球手拿度喺男單第3圈，爆冷以1:2不敵烏克蘭嘅杜普高諾；而喺女單第3圈，俄羅斯靚女球手舒拉寶娃（圖），亦同樣以1:2輸咗畀意大利外圍賽球手姬奧芝（小圖）。好彩，22歲嘅姬奧芝都係靚女一名，咁樣男性球迷先冇咁失望咋！至於喺一片冷風下，首號種籽中國嘅李娜就順利晉身第4圈。