旨在推動本地公共藝術發展、為政府大樓添上藝術氣息嘅「藝聚政府大樓」，今年有四位本土藝術家參加，其中陳閃喺灣仔伊利沙伯體育館內外貼上藍天、浮雲、風箏。佢話香港高樓大廈林立，唔好話想睇到藍天，要放風箏更係遙不及及嘅夢想，所以佢以「把風箏放回天空」為題，寓意將城市生活嘅壓力，好似風箏咁釋放到天空。
胡慧中則以「囍點」為題，取諧音「起」，神奇嘅透視角度，將兩個「囍」字分拆散落喺沙田大會堂婚姻登記處不同角落，等有情人共同尋找結緣嘅亮點。徵集珍藏市民書信嘅史穎怡，就將感人嘅書信語句，設置喺郵政總局透明玻璃上，展示喺書信中滲出嘅情誼同溫暖。
本土畫家黃慧姸，則以「這世界上我們的小角落」為題，為紅磡社區會堂繪畫，希望為入住避寒的露宿者加點平靜。