有線主持劉明軒，早前傳出婚變，被指同保險高層老公王傲山因為性格不合離婚。其實佢哋舊年1月先結婚，仲豪搞百萬婚禮，蜜月去咗瑞典睇北極光，住冰屋。
有指劉明軒已搬離同王傲山嘅愛巢火炭御龍山，喺facebook近期都冇二人生活照，只見去年9月王傲山曾上載跟劉明軒在石澳燭光晚餐的照片。
不過上個月王傲山就喺fb寫了一大段文字來闢謠:「我家人很疼愛明軒，她也是我今生遇過最愛及最好的。我家人無不跟我想法一樣，對明軒的愛也不亞於我。至於性格合不合，相處的問題，只有我們自己能夠解決，請大家給予我們空間，因各自不『閒』，也有沉重工作及責任在身。」
不過久未開腔嘅劉明軒喺fb突然寫就:「教我如何支持下去，扮不了，撐不來。」難道暗示婚姻只係表明恩愛，要人前扮恩愛好攰？