巫師前鋒戈達（左）綽號「波蘭槌仔」，佢打交有冇汽車維修員咁勁就不得而知，不過佢喺周一作客熱火賽前接受訪問嗰陣，就話NBA應該好似NHL咁，放寬打交判罰尺度，咁樣球員之間嘅矛盾可以解決之餘，又增加觀眾嘅投入感。當然戈達嘅建議好初步，NBA採納嘅機會唔高，巫師作客就以90:99不敵熱火，唔知係唔係因為冇得打交而搞到輸波呢？