除咗歌神，香港𠵱家最出名嘅仲有篋神，佢哋無處不在。但篋神唔一定嚟自強國，同樣可以好本土。一班網民就發起「篋實禮賓府」活動，喺fb呼籲市民喺下周日（16日）禮賓府開放日，一齊拖篋入內「參觀」，有人留言話喎：「不到長城非好漢，不去禮賓點愛國？」另外亦有網民希望吸引更多自由行到禮賓府參觀，逼唔走狼英，都逼爆禮賓府過吓癮。
亦有網民同時計劃喺未來兩個星期日下晝3點到5點，分別舉辦「篋實銅記」同「篋實屯門」行動，主題分別係「多謝自由行打救香港人？Sogo正門齊聲說謝謝！」及「一億人，一億篋，屯門市廣場流量壓力測試」，網民強調呢次活動唔係遊行、抗議或集會，亦冇所謂「搞手」，人人都可以當家作主。