民主黨涂謹申喺呢個多事之秋，噚日靜靜過咗佢嘅51歲生日。原來佢太太阿Sue同寶貝仔信之，日前已經買咗個蛋糕喺屋企同阿涂慶祝，越大越精靈嘅信之好乖喎，主動獻唱一曲祝老竇生日快樂，𠱁到阿涂不知幾咁happy，作為老竇，阿涂嘅生日願望梗係信之快高長大、健康伶俐啦。而喺阿涂生日之際，卻有奇怪事發生。原來佢喺元朗區掛咗出街嘅橫額，近日竟然無故被消失！到底呢批banner內容講乜嘢？上面查實寫住「關注水貨客搶日常用品 影響港人民生」。阿涂話呀，掛咗一個星期都冇喎，估唔到咁快就失蹤，去向簡直同馬航飛機一樣咁撲朔迷離。