近年有不少女演員轉型做導演，Tanya問靚靚可有想過？靚靚耍手擰頭說：「唔得㗎我，因為我好驚人蠢。」她口中的「蠢」並不是天生愚蠢，而是不肯用心去做事。蔡瀾十分認同：「蠢係冇辦法，但係你懶、唔準時嗰啲就根本唔係人嚟。」靚靚認為自己處事始終有欠圓滑，有時對一些事情看不過眼便會直斥其非，因而經常開罪別人。她記得嘟姐鄭裕玲曾教訓一位新人要守時，最令她印象深刻，靚靚扮她的語氣說：「你張合約借嚟睇吓吖，我想睇吓你張合約點解可以遲到囉！」
肥佬黎認為要在娛圈生存，或多或少要準備幾張面孔去應付不同的人，靚靚只道出她有試過學習圓滑，但最終也學不到：「我呢一刻可以做到，但轉頭就唔連戲。」因此她每遇到看不過眼的事情，會選擇自動消失，一於「冇眼屎乾淨盲」，她說：「無謂再陷自己於不義啦！」
明晚十一點《亂噏24》,靚靚現場飾演憤怒的嘟姐！
服裝:ANTEPRIMA