睇波睇得太耐，對「何謂愛隊」已麻木，現在反而愛鋤強扶弱；可惜近年歐洲4大聯賽已內部「分咗莊閒」，某些球隊做了莊，於本土確立霸權，幾乎穩奪冠軍。德甲拜仁、意甲祖雲達斯便最明顯。兩隊稱霸手法咁橋都好似：財雄勢大，不斷收購競爭對手的當家球星、青訓精英甚至主帥。羅馬季初10連勝，本以為閒家有機「鬥地主」；可惜路遙知馬力，現已落後祖記14分。
相比下，今季英超與西甲最有驚喜。曼聯沉淪，英超本屬富豪當道，但阿仙奴與利物浦竟能以進攻足球重返爭標行列，實是球迷之福。不過現兩隊落後車仔7分，兼各有致命弱點：兵工廠遇着奧斯爾低迷兼傷兵潮；紅軍則攻強守弱，最弱一環在中堅高路托尼。車仔餘下賽程只有兩場硬仗，正是面對阿仙奴及紅軍。連曼城都不怕的摩佬，相信冠軍在望。
西甲出現10年難遇的緊湊局面，尤其巴塞近況不穩，令閒家馬體會進佔次席，只落後皇馬3分，但要奪冠仍甚艱巨。馬體會最弱一環不在防守，反而在射手迪亞高哥斯達（圖），球隊實太倚賴他入球。學教頭施蒙尼話齋，他們的班費與皇馬爭成4億歐元！以其相對薄弱的班底，季尾還要分心歐聯，加上皇馬經上半季調整，安帥已找到贏波方程式，馬體會難以爆冷奪冠。
方柏翹
now足球評述員