靚靚之所以不想拍戲，全因感覺到片場氣氛跟昔日差別太大，她回想當年做新人的時候，經常被曾志偉、梁朝偉和張學友等戲弄，她說：「佢哋唔係話玩你，係要求你去進步，其實嗰種氣氛好開心。」但靚靚見到時下新人嗲聲嗲氣，遲到早退又埋怨多多，完全不當拍戲是一回事，令她感到很洩氣：「我個樣稍為有啲不滿，啲人又話我烚新人。我只係要求準時開工準時收工啫，又話你霸道。」於是靚靚發現自己不太適合在港拍戲，毅然跑到內地拍劇。肥佬黎問到內地是否比較專業？靚靚笑說：「唔係，其實佢哋都係𠵱𠵱哦哦，但人哋好開心，同埋佢哋知道導演先至係最大，只有導演嗌收工。」
自從靚靚將事業基地遷往內地，開始不再介懷香港的情況，她說：「有陣時真係要行出去睇吓人哋嘅世界，你覺得自己好紅好叻咩？內地有好多比你更加紅、比你更加叻。」令她更學懂謙卑，不要將自己擺得太高。
星期四晚11:00《亂噏24》足本版, 靚靚俾「演二代」激到彈起!
服裝：ANTEPRIMA