國際米蘭周日意甲主場1:0小勝拖連奴，現年40歲嘅隊長辛尼迪（圖）賽後受訪嗰陣，暗示可能喺季尾掛靴。呢位球壇長青樹6月就約滿，佢話唔肯定仲會唔會同球會再簽球員合約，但就向球迷保證，就算結束球員生涯，都可能會留隊出任其他要職。雖然以辛尼迪嘅體能，要應付多一至兩季應該冇咩問題，但相信佢都覺得自己係時候退落嚟，無謂阻住啲新人上位。