To be or not to be？上法庭定係踏台板有趣啲？公民黨黨魁梁家傑愛女梁穎翹Jennifer似乎覺得後者好玩啲。八方前年年底寫過，Jennifer雖然獲牛津大學取錄修讀法律，但俾星探睇中做音樂劇演員，所以暫停學業試吓發展銀色旅途，最近終於修成正果，事關佢試鏡成功，入圍參演倫敦莎士比亞環球劇場（Shakespeare's Globe Theatre）為慶祝莎士比亞450周年冥誕嘅世界巡迴演出，喺莎劇《哈姆雷特》飾演一角。呢次巡演為期兩年，地點遍及全球205站，係劇場有史以嚟最大規模嘅演出，所以袋巾同太太噚日都專程飛去倫敦為女兒打氣。魚與熊掌，睇嚟Jennifer都要向牛津申請延期入學嘞。