【本報訊】剛過去的繁殖年度，海洋公園繁殖了21隻南極企鵝，為歷年之冠。不過自開館以來，卻備受保育人士抨擊，新任館長黃永康表示願以開放態度與保育人士溝通，又謂圈養或野生的爭議，只是源於對愛護動物的理念不同：「保育團體抗拒將野生動物帶進人工環境，但我哋飼養嘅企鵝，都係由其他水族館自行繁殖，希望透過技術同經驗，加強繁殖，帶出保育訊息。」
談愛妻面紅紅
39歲的黃永康，是園內最年輕的館長，96年城大中文系畢業，最初在雀鳥及蝴蝶館做行政助理，人生首份工作，一做十八年。「動物會襲擊你，但好直接，唔同人。」他立志找份「多見動物少見人」的工作，終於找到了這裏，還見證他戀愛和結婚。「太太係我中學時嘅教友，早我幾個月入職」。記者取笑他為會佳人借意搵工，結婚14年的他面紅紅，「佢冇喺度做囉……一齊返工放工，有我睇住，點都安全啲！」動物凶猛，信焉。