【本報訊】愛煞憨態的企鵝，有人去南極，有人去動物園看個夠，24歲的駱䁱暉，索性做「企鵝保母」，「總之見到佢哋就開心！」說起愛，年輕女子毋須要理由。倒是由落成到啟用，一手湊大「冰極天地」的新任館長黃永康，最感觸，「人類係最複雜嘅動物，會傷你身又傷你心」。動物兇猛，莫過於萬物之靈，無怪水族館動物園，永遠是「只有歡笑沒有眼淚」的親子勝地。
記者：呂麗嬋
南極奇觀的室溫只有8℃，記者站了一會，已凍到木無表情，站在冰面的䁱暉，卻仍然笑容可掬，用甜到漏的聲音叫着「BB，乖乖！」，沒一陣，像被點了穴的企鵝突然轉醒，將她團團圍上幾圈。
企鵝是南極的主人，海洋公園引進的，主要是巴布亞企鵝及國王企鵝，前者游水最快，後者潛得最深。還有眼睛上方有一條黃色羽飾狀冠毛的南跳岩企鵝，最愛一躍跳入冰河，動作敏捷！「驟眼睇隻隻企鵝都一樣，但其實每隻都有唔同性格，有啲細膽啲、有啲百厭啲，但性格都好溫馴。」小妮子笑着說。
䁱暉是駐守冰極天地的23名動物護理員之一，專責照顧企鵝。護理員是她第一份工作，中學時同學忙着拍拖學鋼琴，她卻死慳死抵「貼錢做阿四」，自費入園做護理員，「跟住個訓練員執頭執尾，已經好興奮」。最瘋狂時買下全年通行證，月入兩、三趟，會考未放榜，矢志與動物為伍。18歲，夢想成真。
難忘孵蛋驚險情況
由照顧海獅海豹，到調到新館照顧企鵝，除了餵食，還包括為企鵝做身體檢查，「企鵝長期站立，腳部最易受傷，每日都要幫佢檢查腳板」。繁殖期全民皆兵，她謂壓力最大，「最驚險係Miracle出世，心情好似過山車」。Miracle是園內繁殖的國王企鵝，差一點夭折。
「企鵝媽媽腳掌上嘅鳥蛋，掉咗落地下。」臨盆前遇意外，產房瀰漫的沉重氣氛，至今難忘。「還差六天便可孵出……」為怕破損的蛋殼脫水，用濕毛巾包着放上人工孵蛋機，又定時向蛋噴水，抱着渺茫希望，小企鵝竟按預產期破殼而出，成就真正奇蹟！