周日嘅英足盃8強比賽，對普耶兩父子係一場噩夢。18歲阿仔迪亞高普耶（左）效力嘅查爾頓，先喺早場作客輸畀由哥洛夫帶領嘅英甲神奇球隊錫菲聯0:2，之後輪到老竇普耶（小圖）領軍嘅新特蘭出場，點知輸得仲慘，作客3球敗走侯城，對方有居迪斯戴維斯、大衛美拿同法耶特各入一球，係自1930年以來，首次殺入英足盃4強。