由韓國肥師奶變成亞洲塑身女王的鄭多燕，早前曾來港出席除夕活動，今年5月她將再來港開騷親授粉絲減肥絕技，並率領全港燕粉一齊跳她今年最新的FigureRobics健康塑身舞。主辦單位馬天尼公司老闆孫敬安昨日透露，今次「鄭多燕萬人熱辣Show」已落實5月9日和10日在灣仔會議展覽中心舉行，鄭多燕希望其偶像譚詠麟（阿倫）能為其香港處女騷助陣擔任特別嘉賓。
拍到眼耷耷
孫敬安昨在電話說：「喺香港佢最崇拜譚詠麟，佢話如果阿倫嚟做嘉賓唱歌，佢會度身訂做一個舞步同佢一齊跳。」他指鄭多燕喜歡聽阿倫的歌，去年阿倫在「左麟右李演唱會」上也有學鄭多燕跳塑身舞，所以他們會跟阿倫聯絡，看看阿倫能否參與。之前盧海鵬也曾在電影《金雞sss》中學鄭多燕跳塑身舞，會否考慮請埋鵬哥？孫敬安笑說：「係呀，佢都好搞笑㗎，都係個好提議。」他指錢國偉為鄭多燕騷擔任監製，稍後他將與錢國偉開會研究。
日前鄭多燕來港為今次香港騷拍宣傳片，片中她大騷健康舞步及豐滿身材。拍攝當日，鄭多燕連踩四個多小時，拍到眼耷耷，十分疲倦，但從頭到尾沒半句怨言，全程投入拍攝，還不停睇playback提供意見，表現相當專業。
採訪：白白
