今季登陸澳職嘅加拿斯（右），加盟珀斯光輝冇耐就長傷，之後復出仲成日派膠，周日聯賽終於吐氣揚眉，作客威靈頓鳳凰一戰，34分鐘殺得性起推波上前助攻，同隊友一個撞牆後禁區頂勁抽射入，取得澳職首個入球，不過光輝守唔到尾，俾主隊前鋒堅尼根寧咸追成1:1。光輝拎得1分仍然排澳職包尾，要爭取季後賽資格，真係要靠加拿斯入多啲呢種靚波嘞！