【亂噏24】本周繼續由袁詠儀（靚靚）任嘉賓，今次眾人會談及夫妻相處之道，黎智英（肥佬黎）更自爆與妻子炒大鑊情景！節目今日起至周五每日播兩集，讀者可於《蘋果動新聞》網頁觀看，也可登入 http://bit.ly/appletalk24重溫，足本版於周四晚11時播出。
袁靚靚性格剛烈，跟老公張智霖（Chilam）吵架是家常便飯，但絕不會影響睡眠，因為睡前必定先將問題解決。兩人私底下也沒有秘密，有甚麼事情總會三口六面說清楚，肥佬黎認同：「千祈唔好收收埋埋，收開你就收，好似黑洞咁。兩公婆唔信任，就算唔離婚，你一世都唔開心。」
肥佬黎妻借醉洩忿
席間，肥佬黎分享跟妻子「吵大鑊」經過，妻子將忍耐多年的積怨一次爆發，嚇到他「腳都軟埋」。肥佬黎講述當晚情景，那時值平安夜，他和妻子身在加拿大，有朋友突然到訪他們的酒店，肥佬黎向友人說當晚不想喝酒，但對方堅持，結果他猛推給妻子「頂酒」。他起初以為妻子沒事，誰知她一上房便醉意大發，不停罵他。肥佬黎說：「最精采係第二朝食早餐，我個仔（當時七歲）同我個女（當時五歲）講，『噚晚爹爹媽媽鬧交，一定唔可以同人講！你同人講……（割頸動作）』」令眾人捧腹。
撰文：馮國康
攝影：黃文邦