蔡卓妍（阿Sa）、張敬軒及胡杏兒等昨在昂船洲出席「公益金新界區百萬行及香港慈善單車挑戰賽」，司儀介紹杏兒出場時，阿Sa即取笑杏兒日前「我找到了」的照片，轉頭又用「可能是男人最介意被取笑的部位」來開軒仔玩笑，軒仔即以「皇帝蕉」來形容自己的重要部位，但被阿Sa寸他size細。
拍背部全祼海報
「哈利仔」丹尼爾拉德克里夫（Daniel Radcliffe）曾全裸演出舞台劇《Equus》，軒仔5月將與方皓玟演出舞台劇的中文版，軒仔預告已拍攝背部全裸海報，將於巴士車身廣告展示。他自言為藝術犧牲，並對自己的股形充滿信心：「練咗兩個月變優質股，以前係潛力股，我冇任何偶像包袱，可以接受大膽場面。英國版男女演員都係全裸，但香港會用270度舞台，能見度高，所以未必照辦煮碗。」
軒仔自稱不介意裸露，但阿Sa笑說：「我介意呀，我驚呀！」軒仔沒好氣說：「你坐第一排，呢個唔係賣點。」但會是焦點，阿Sa又笑吟吟說：「係一隻蕉嘅蕉。」軒仔口快快回應：「皇帝蕉！」阿Sa反應奇快，做出細size的手勢：「皇帝蕉得咁樣！」軒仔即死撐：「我又冇話係喎！」軒仔今次第四次參演舞台劇：「故事講我睇人哋唔正常，會唔會係自己唔正常，好切合𠵱家香港狀況。」
另外，陳偉霆（William）舊愛Angelababy日前與男友黃曉明於街頭晒林寶堅尼，大晒偶像劇般幸福，身為William現任女友的阿Sa說：「我都拍過好多偶像劇，都經歷過好多！」對於William經常要為前度作回應，阿Sa無奈地說：「佢都唔想，問到佢冇理由唔答，佢唔係特登講。」
採訪：張俊銘
攝影：陳俊強