利物浦喺今屆重拾勁旅本色，佢哋嘅領隊羅渣士亦愛情事業兩得意，因為據報紅軍班主約翰亨利已答應只要紅軍今屆奪得歐聯參賽席位，就會科水6,000萬鎊（約7.5億港元）畀羅渣士擴軍。另外，羅渣士早前宣佈同太太蘇珊分居，而盛傳係佢小三嘅前紅軍職員莎樂，亦被指正式申請同只係結咗婚17個月嘅丈夫離婚，好可能正式同43歲嘅羅渣士喺埋一齊。