一，被奪走的2017年，距離全城熱爆的「滅亡」預言2046年，差不遠了，年青人爭住拍短片，紀錄這個「被奪走的17年」，冇人再做低頭族。
二，首富說，民粹主義升騰，照這樣下去，用不了五六年，香港就會面目全非。被奪走的17年，剛好吻合「換臉」時間表。大家諗掂，唔會留筆錢做首富旗下的樓奴，而係去首爾做換面工程，變身都教授，搭上同樣識變臉的千頌伊，（狼女整完，都係咁狼）繼續星夢。
三，冇港人治港，冇高度自治，被奪走的17年，香港承受被寵壞了的後果，從今日開始訓練少食兩餐，晚晚以刀架頸考驗吓自己與家人受恐嚇的抗逆力。
四，17年，冇真普選。選民有票但唔投，誰也不能奪走一張未投過的票吧。無論黑票白票，都唔好掂，清者自清。哎，傻仔都估到，到時必然有大量愛字頭冒充票湧現。然而，一無所有的你，唔使絕望上吊，因為在基本法框架下，人大的解釋權中，你這個港燦，仍然比十九世紀的黑奴好N倍！窮港燦，幸福嗎？