諸葛紫岐（Marie）去年11月為Neway二少薛嘉麟生了囝囝「冰岐麟」Arthur，昨日Marie、名模Amanda S.及朱潔儀等在尖沙嘴出席美容品牌Lancome活動，吸引大批途人及自由行圍觀。
百日宴等驚喜
見Marie已成功收身，但上圍依然豐滿，她坦言已回復以前的105磅，問到有否繼續餵人奶？她指囝囝大食，已停餵母乳：「飲奶粉，一日飲好多餐，飲五餐，成900毫升。」囝囝是否已戒夜奶？她說：「未，佢差唔多17磅。」
Marie透露囝囝快出世100日，暗示下周六會舉行百日宴，她說：「𠵱家搵人準備緊，我乜嘢都唔使理，淨係抱住囝囝就得。」問她百日宴地點？她則說不清楚，只知擺20多圍，會宴請親朋。至於百日宴主題會否是她最愛的麵包超人公仔？她表示不知有否這個驚喜。
埋怨老公偏心
早前黃曉明送林寶堅尼給女友Angelababy，近日流行送車，問Marie老公有否送車獎勵？她說：「冇呀，你哋同佢講吓，其實開心就得，冇獎勵呀，淨係我畀好多愛佢同我個仔。」Marie透露囝囝中文名會跟族譜改，中間會用華字，另一個字會在百日宴前決定。
Marie又撒嬌指老公現時很偏心，一返屋企就抱住囝囝，囝囝有甚麼事老公都會問她，直言老公有少許冷落了她。Marie又稱老公比較大男人，平日很少幫囝囝換片餵奶，會否再生B，Marie說：「問番佢（老公），要睇緣份。」
近日有指Marie為了囝囝將來升學搬到跑馬地，她直認說：「係呀，為咗佢讀書搬去邊都得，我做得出，媽咪為個仔要付出好多。」會否怕被指是怪獸家長？她說：「唔怕，只要阿仔好，話我乜嘢都得。」此外，朱潔儀透露近日都有追求者送車，她說：「對方暗示如果鍾意佢就會送車，不過我拒絕咗，因為識咗唔耐。」
採訪：溫敏芝
攝影：陳俊強
