韓國大隻仔「青檸」自從當完兵出嚟，真係今時唔同往日，受歡迎程度真係直線下降，不過佢依然好有巨星派頭，非常大支嘢。
使人唔使本
話說關仁聽某大品牌公關講，之前安排青檸到花都做活動，夜晚做完活動後，大家已經返到酒店休息，不過佢凌晨3點幾打畀個公關人員，話唔見咗副太陽眼鏡，佢話估計留咗喺活動會場，所以要求人哋即刻去會場幫佢搵返嚟，人哋話聽日幫佢去會場睇吓，但佢就堅持要即刻，因為怕唔見咗，結果搞到班宣傳人員冇覺好瞓，即刻返去會場幫佢搵眼鏡。聽個公關人員講，好怕招呼韓國星，因為個星麻煩之外，連身邊一串隨行人員一樣使到你盡，𠵱家潮流吹風，班韓娛人就更加大支嘢。
撰文：關仁