國際米蘭近兩季成績差到震，但佢哋最近好積極咁搵新球員，希望可以喺下季重振雄風。國米嘅目標就係英超嘅失意軍人，繼早前落實今夏簽入曼聯嘅尼曼查維迪之後，佢哋𠵱家想向車路士嘅費蘭度托利斯（圖）埋手。英國《每日郵報》披露，國米願意向車路士開出2,000萬鎊（約2.6億港元）斟費托。費托都29歲，呢幾年喺車仔都踢唔番水準，或者真係要轉換吓環境。