影后惠英紅於片中的角色大部份時間也是神神化化，在回憶的戲份中敍述沒太多時間陪伴母親而內疚的內心戲，原來正是她的寫照，惠英紅說：「其實係我希望導演可以加上去嘅戲，我係返到屋企同阿媽講句『我返嚟』，就做自己嘢嘅人，不過近年突然覺得阿媽年紀漸大，係要陪多啲佢。」她笑言年紀漸長越體會到親恩深重，不希望將來留下遺憾。
另外，首部電影就是跟陳果合作的徐天佑及黃又南，笑言事隔多年導演仍是那麼火，又南說：「陳果仲係咁好火，依然係咁『小』㗎！」天佑則說：「雖然係咁，但係今次拍得尤其開心，因為主要場景唔係茶餐廳就係小巴，大家會更加close，而且係低成本電影，所有茶水呀，執番道具連戲呀，都係自己一腳踢，係另一個體驗！」