一般人眼中的畢業禮，應該衣着端莊頭戴四方帽，在台上向教授鞠躬致謝。日本金沢美術工芸大學就一反傳統，每年在畢業禮上均大玩Cosplay，學生的創意更吸引當地電視台每年會大肆報道畢業禮盛況。不過香港學校在傳統思想下似乎難以跟隨，令一眾香港網民羨慕不已。
除了日本金沢美術工芸大學外，京都大學亦有類似形式的畢業禮，但並非學校特別安排，而是不限制學生參加畢業禮時的衣著，令這班藝術學校的畢業生絞盡腦汁發揮創意。可惜去年京都大學已向學生發出通告，列明「衣着不正式者禁止進入畢業會場」，令日本可能只餘下金沢大學有這種特色畢業禮。
全部變裝上陣的金沢大學畢業生，在去年的畢業禮中發揮創意，其中以裝扮成大提琴的學生最為注目，另外亦有人扮演冬奧選手，她表示大學生涯就如參加奧運一樣，4年畢業後就獲得獎牌。
去年香港演藝學院一班學生在舉行畢業禮期間，以反國教的交叉手勢，或大叫689下台等方式「招呼」演藝校監梁振英，即被批評不尊重畢業禮。可見在一般香港人眼中，畢業禮還是應該是衣着端莊，在演藝學院畢業的「港版半澤」陸駿光亦指，在文化差異上，香港很難會看到有創意的畢業禮：「演藝始終Under政府，會保守啲，多啲控制就在所難免，不過表達創意可以有好多方法。」
去年曾在港視集會創意劇中扮演港版「半澤直樹」的陸駿光指，如他有機會參加Cosplay畢業禮，他會選擇扮演「小強」(蟑螂)，更形容小強如香港精神一樣打不死。
網民點睇：
龍汁雞皇飯：似讀Drama多啲，香港又會俾人話唔尊重場合啦！
s.ho：著西裝果個先會比人笑。
雷蜂：香港？算罷啦，之前畢業禮鬧689都話唔尊重場合。
saynotochina：應該唔係嗰啲陳腐學院，個個好有活力。