男歌手「飛仔」一直以嚟都有個貼身服侍佢嘅跟得女友「雨雨」，佢哋兩個乜嘢事都會拍住上，而飛仔無論大小事務都有女友照顧。雖然佢哋從來都冇公開承認過呢段戀情，但呢件事就全世界一早都知道，仲覺得佢哋好sweet，恩愛到羨慕死人。不過，情侶之間一齊做嘢就有好有唔好喇！話說關仁聽聞飛仔之前要拍嘢，因為劇情需要，佢要同一個鬼妹咀嘴，但唔知因為乜嘢事，咀極都唔啱導演嘅要求，導演仲喺度狂NG，咁佢哋就要狂咀，最終雨雨醋意大發，忍唔住大叫咗一聲「夠啦！」全場聽到呢句即刻靜晒，咁導演惟有勉強收貨啦。撰文：關仁
