日前宣佈誕下寶貝女India Wilde的Cara G.，在經歷37小時的陣痛順利誕下BB，小India重3.6公斤，但出生後因肺部發現液體，需要留在ICU觀察，目前已好轉離開ICU。昨日一早，剛榮升父親的Jesper與外母一同到瑪麗醫院探望Cara母女，他們分別拿着相機及大袋零食，問到BB的情況，他說：「有啲複雜，因為BB出世時發現佢肺入面有啲液體，醫生關心呼吸問題，所以要BB留喺ICU由專人照顧同觀察，以確保佢係OK！不過醫生話BB好好。」Jesper亦透露Cara已見到BB，並開始餵人奶：「佢係個super媽咪，不過𠵱家仲係好攰，好弱，要留喺床度休息。」
一提到BB，Jesper笑容滿面，他說：「囡囡好靚，Cara𠵱家嘅情況都好好，成個自然分娩過程接近35個鐘，佢好叻，呢個係我人生中最amazing嘅經歷，亦都為Cara感到驕傲！」
Cara G.老公讚堅強
Jesper續說：「我哋都認為自然分娩對BB係最好，所以Cara堅持順產，佢好堅強！」Jesper更親手為BB剪臍帶，當看到BB一刻更感動得流下男兒淚，他亦都準備了禮物給太太，但要保持神秘！
