甲一銀牌籃球噚晚喺修頓室內場開鑼，力爭呢項季前賽3連冠嘅南華，喺揭幕戰對安青就冇咩壓力，喺星級控衞羅意庭（圖）同中鋒惠龍兒等主力帶領下，輕鬆以90:58大勝，順利打響頭炮。其實籃總早排公佈咗今季各支甲一球隊球員名單，幾支實力球隊陣容變動唔大，比較矚目嘅轉會要數香振強從永倫去咗福建，至於上屆幫飛鷹打入甲一總決賽嘅梁民熊，仲未可以講去邊隊。