【本報訊】你企左時我企右，無分崗位，領犬員區啟俊（阿俊）一聲search，即與拍檔搜索犬Hero在商場搜索爆炸品。斷掌的阿俊習慣孤獨，惟領養流浪犬令他打開心扉，成長後學師四年成為專業領犬員。阿俊指犬隻懂人性，「會感覺到你哪邊強，哪邊弱」，他苦練左手加上身體語言，終說服狗狗「要信我」！
記者：關震海 洪藹婷
高級商場近年流行聘搜索犬巡邏，除提升保安亦可吸引顧客。工作雖有風險，但美麗華商場兩男女領犬員與搜索犬卻十分享受。午飯時間，沒有左掌的領犬員阿俊拖着Hero出巡嗅牆角搜索危險品，引來市民爭相拍照。阿俊笑言：「佢似PR（公關）狗多啲，人們睇佢多過留意我隻手……點會怕歧視。」客戶摸狗時，阿俊一個眼神已令Hero馴服駐足任摸，阿俊形容與搜索犬關係，就像與朋友合作玩二人三足，「若你純粹利用佢來工作，你唔會做到一個練狗師」。
左身無力 狗不聽話
天生斷掌的阿俊，成長路孤獨，小時候領養流浪唐狗「小獨」後，令他愛上犬隻。七年前他認識師傅張松照，毅然放棄白領工作轉做領犬員，偏偏國際條例規定犬隻只可站在領犬員左邊。他左身無力，首次用無掌手臂提領犬繩，愛犬即不聽他指令，「狗會sense（感覺）到你右邊強，左邊弱……有些狗冇安全感甚至會攔住你，點拉都唔郁」。
惟阿俊受訓時左手經常會去舉五公升蒸餾水樽苦練力量，師傅其後再教他用身體語言訓練狗，「我用食物引隻狗來左邊，俾佢知道我所有嘅身體語言喺左邊」。阿俊以關愛及尊重馴服愛犬，像訓練學院內50隻狗，他能記得每隻犬的生日和在當天向狗狗說Happy Birthday，一切源於尊重。