王敏德與馬詩慧的女兒王曼喜，早前被拍到跟一名外籍女子在公園談心，期間更接吻，之後王敏德與馬詩慧力撐女兒，表明最緊要她鍾意，愛是無分男女。
千嬅囝囝黐身
王曼喜昨日與楊千嬅及羅霖在中環出席護膚品活動，王曼喜表示最近很忙，甚少夜蒲亦開始戒煙，是不是因為被拍到跟同性接吻，所以開始避嫌？她說：「唔係，佢係我好朋友，唔會因為影到而唔見。但會小心，我本身親民，我比較open，係嗰個moment就好似影到個嘴掂到咁。」她坦言不介意其他人怎樣看，她說：「我係鍾意一個人嘅性格，可能我都會同男仔拍拖，愛就係愛。」被問到是不是雙性戀，她認為不應該標籤。
楊千嬅透露早前囝囝Torres發燒病倒，本月尾又要出席電影節、宣傳電影，忙個不停，千嬅說：「佢會唔捨得多啲，如果着鞋、拎袋就知你出街，如果拖篋就扯住你喊，唔好以為啲細路呆滯，其實佢哋好醒。𠵱家出門做嘢，要同佢講一堆嘢解釋。𠵱家傾緊一套戲，如果成事要離開20日去北京。現階段想做嘅盡量做，遲啲要跟功課會冇咁多時間。」
羅霖認有人追
不倒胸羅霖被問到胸部怎樣護理，她表示生BB後一直有搽護膚品，她說：「唔單只你哋講嘅地方，手、肚腩、腳都要做firming。」被問到可有第二春，她承認有人追，說：「都可以開始，只係之前未正式投入新戀情，𠵱家可以留意下，投入多啲，女仔始終有人錫會幸福啲。」
採訪：王連連
攝影：仇志德
